Em i tok em i wok bilong ol olsem ol lida, long mekim gutpela pasin long nem bilong kantri.
Wingti i tok bikpela laik bilong em olsem em i laikim gutpela gavman na i no long gat ol korap lida husat save mekim ol pasin nogut bilong brukim lo na bagarapim gutnem bilong kantri.
Em i tok ol lida i laikim kantri mas sanap strong na ol i mas givim olgeta sapot bilong ol long Praim Minista James Marape long karim dispel kantri i go het insait long ol kain taim bilong hevi.
Em i tok ol pipel bilong PNG i no laikim narapela samting moa, PM Marape tasol long em i mas wokim stretpela samting long rausim tru korapsen.
Long wankain taim, Niu Ailan Gavana na tu narapela bipo Praim Minista, Sir Julius Chan, i mekim wankain toktok.
Em i tok olsem wantaim ol narapela lida olsem Gavana bilong Madang, Peter Yama, NCD Gavana Powes Parkop, Galp Gavana Chris Haiveta na Wingti i wok wantaim long senisim kos bilong politiks long askim pastaim Praim Minista Peter O'Neill long risain pas long abrusim vot i no gat bilip.
(Bipo Praim Minista na Westen Hailans Gavana, Paias Wingti)