National Airports Corporation (NAC) i sori tru long tokaut olsem long moning taim tude, namel long 2 kilok na 3 kilok, tripela haus bilong wokman i bin paia na etpela pipel i kisim bagarap.
NAC i tok tripela lain husat i kisim bagarap tasol i no dai i stap nau long Nonga haus sik wantaim bikpela bagarap.
Ol i no save yet long as bilong paia long dispela taim, na ol polis na ol narapela ejensi i wok long mekim wok painim yet long save long dispela.
Siaman bilong NAC Bod, Reuben Aila, i tok em i gat bikpela sori tru.
“Bel bilong mipela i hevi long tokaut olsem tete long moning taim mipela lusim sampela bikpela laip long NAC Tokua famili. Mipela prei long ol famili husat i kisim dispela bagarap long ol i ken painim bel isi na helpim long dispela taim.”
NAC i kamapim wanpela imejensi kontrol senta hia long Pot Mosbi. NAC i salim pinis namba wan rispons tim i go long Tokua long 10 kilok moning tude. NAC i mekim wok long stretim dispela hevi.
Aila i tok tenkyu long olgeta imejensi sevis na stekholda long Is Niu Briten Provins long givim han hariap long helpim ol.
NAC i toksave olsem Tokua Ples balus bai op yet na i no inap stopim wok.