Tari-Pori MP James Marape i kamap namba 8 Praim Minista bilong Indipenden Stet bilong Papua Niugini. Marape husat i bin kisim 101 vot olgeta em i lida bilong Pangu Pati.
Gavana bilong Enga, Sir Peter Ipatas, i bin nominetem Marape na Manus Gavana Charlie Benjamin i bin strongim dispela.
Ialibu-Pangia MP Peter O’Neill, husat Oposisen Lida Patrick Pruaitch i bin nominetim em, i bin amamas long dispela nominesen tasol bihain em i senisim tingting gen na i tok nogat taim Rabaul MP Dr Allan Marat i nominetim Sir Mekere Morauta. Etpela MP tasol i bin vot long Sir Mekere Morauta.
Long moning bilong Me 30, i bin gat 109 MP tasol i givim vot na tupela i no vot em wanpela bilong ol i Madang MP Bryan Kramer.