Baset bilong Bogenvil Referendem Komisen bilong 2019 long mani mak bilong K20 milien em i go aut pinis.
Fainens Minista Richard Maru i tok: “Namba wan K10 milien bilong dispela mani i bin go aut pinis, K5 milien long Februeri na narapela 5 milien long Epril. Namba tu hap K10 milien i bin go aut long Jun 5 2019.
“Ol mani nau i stap long sapotim referendum eksesais na mipela stap redi long sapotim BRC long ranim referendem.”
Maru i tok olsem Dipatment bilong Fainens i helpim long opim wanpela bikpela akaunt bilong holim dispela mani, wantaim Benk ov PNG na tupelo liklik akaunt wantaim BSP benk.
Insait long wanpela intaviu long mun Epril, Sif Referendem Opisa, Mauricio Claudio, i tokim ol nius man long Buka olsem Gavman i promis long givim K30 milien tasol BRC i bin kisim tasol K8.7 milien.
Tasol wantaim dispela laspela fanding i go, BRC nau i kisim pinis K28.7 milien olgeta i kam long Nesenel Gavman.