Lucy John i gat tripela pikinini na em i bilong Wabo ples long Galp Provins.
Dispela snek we i kaikai dispela meri em i snek i gat poisin long kilim man hariap. Man bilong Lucy, Iksy John, i bin hariap long karim meri bilong em long bot long nait yet i go long Oil Search Seismic Bes Kemp olsem 40 kilomita longwe.
Tupela marit i kam bungim Dokta Robert Imambu bilong Oil Search na ol medikal tim i hariap long putim entivenom infusen na was long em long nait.
Marasin i bin daunim poisen bilong snek long nait na long moning taim ol i rausim em long klinik na bihain Komyuniti Afeas tim i helpim tupela long go bek long ples.
John i tok tenkyu long Oil Search long sevim laip bilong meri bilong em, nogat olsem bai em i dai pinis. Oil Search saismik tim nau i sevim pinis tripela lain long bilong Wabo ples, taim snek i kaikaim ol.
Kost bilong entivenom marasin em K20,000 long wanpela na em i save stap long ais bokis tasol olsem na em i no save stap nating long olgeta klinik.