Gavman

Gavman i lukluk long peirol

Minista bilong Pablik Sevis, Westley Nukundj i bin tokaut long dispela samting i no longtaim i go pinis  na em i laikim ol menesmen tim bilong Dipatmen bilong Pesonel Menesmen long painim as bilong dispela paul pasin na stopim nem bilong ol ‘ tewel’ husat i stap long peirol.

Minista bilong Pablik Sevis Westley Nukundj i statim wok pinis long stretim ol dispela hevi bilong gavman pei rol ova-ran we i kamapim wari long ol gavman long nau na bipo wantaim.

Niupla gavman i lukluk long piseris sekta

Keateka Piseris Minista Solan Mirisim i tok dispela sekta i gat inap samting long helpim ikonomi na long bringim gutpela laip long olgeta komyuniti.

Mirisim i tok piseris sekta i gat bikpela hap i stap yet long wok bilong kamapim mani, kain olsem daunstrim prosesing.

Em i tok yumi mas no ken putim ai long ol mani i kam long ol ekses fi bilong ol pis long ol solwara bilong yumi tasol. Nogat, yumi mas mekim ol wok we bai helpim ol pektori bilong yumi nau i stap long kantri.