Gavman bilong Praim Minista James Marape bai opim rot bilong kamapim moa wok na mani insait long piseris sekta.
Keateka Piseris Minista Solan Mirisim i tok dispela sekta i gat inap samting long helpim ikonomi na long bringim gutpela laip long olgeta komyuniti.
Mirisim i tok piseris sekta i gat bikpela hap i stap yet long wok bilong kamapim mani, kain olsem daunstrim prosesing.
Em i tok yumi mas no ken putim ai long ol mani i kam long ol ekses fi bilong ol pis long ol solwara bilong yumi tasol. Nogat, yumi mas mekim ol wok we bai helpim ol pektori bilong yumi nau i stap long kantri.
Minista Mirisim i tok Gavman i laikim ol mani bilong ekses fi bilong ol sip long wan wan de long go antap long 180 milien kina long dispela yia, na kamapim totol mani i go long K600 milien kina.